پاکستان سمیت دنیا بھر میں خواتین کاعالمی دن آج منایا جا رہا ہے

لاہور:وجود زن سے ہے تصویر کائنات میں رنگ، پاکستان سمیت دنیا بھر میں خواتین کا عالمی دن آج منایا جارہا ہے۔
کسی بھی ملک کی معاشی ترقی میں خواتین کلیدی کردار ادا کرتی ہیں، پاکستانی خواتین بھی گھریلو ذمہ داریوں کے ساتھ ساتھ معاشی ذمہ داریاں احسن طریقے سے نبھا رہی ہیں اور ہر شعبہ زندگی میں اپنا لوہا منوا کر دوسری خواتین کیلئے بھی راہیں ہموار کررہی ہیں۔
’’ویمن آن وہیل‘‘ منصوبہ بہت سی خواتین کو زندگی میں آگے بڑھنے کیلئے آسانی فراہم کررہا ہے۔

  خواتین کے عالمی دن کے موقع پر آئی جی پنجاب ڈاکٹر عثمان انور نے اپنے پیغام میں شہداء، غازیوں کی بہادر ماؤں، بہنوں اور بیٹیوں کو سلام پیش کیا ہے۔ انہوں نے کہا کہ "آج کی عورت پہلے سے کہیں زیادہ باشعور، باہمت اور بااختیار ہے۔"
ڈاکٹرعثمان انورنےمزید کہا کہ پنجاب پولیس صنفی مساوات کی سب سے بڑی داعی ہے،شہدا اورغازیوں کی بہادرماؤں، بہنوں، بیٹیوں کو سلام پیش کرتے ہیں۔
آئی جی پنجاب ڈاکٹرعثمان کا نے کہا کہ پنجاب پولیس کے تمام شعبوں میں خواتین بہترین صلاحیتوں کا مظاہرہ کر رہی ہیں،خواتین افسران کا لا اینڈ آرڈر، کرائم کنٹرول، کمیونٹی پولیسنگ میں شاندار کردار ہے۔
آئی جی ڈاکٹر عثمان انور نے کہا کہ پنجاب پولیس میں خدمات انجام دینے والی خواتین ہمارا فخر اور قیمتی اثاثہ ہیں۔