شانگلہ:اے این پی رہنما ٹریفک حادثے میں جاں بحق

پشاور: عوامی نیشنل پارٹی (اے این پی) کے صوبائی ڈپٹی جنرل سیکرٹری متوکل خان شانگلہ کے علاقے سنگرائی میں ٹریفک حادثے میں جاں بحق ہوگئے۔
پولیس کے مطابق متوکل خان تعزیت سے واپس آرہے تھے کہ سنگرائی کے مقام پر ان کی گاڑی گہری کھائی میں جاگری جس کے نتیجے میں وہ موقع پر ہی جاں بحق جبکہ ڈرائیور شدید زخمی ہوگیا۔
اے این پی کے مطابق ان کی نماز جنازہ کل صبح 11 بجے شاھ پور، شانگلہ میں ادا کی جائے گی۔
پولیس کا کہنا ہے کہ متوکل خان ایڈوکیٹ کی گاڑی کو حادثہ یونین کونسل رانیال کے علاقہ سانگڑئی میں پیش آیا ۔
متوکل خان عوامی نیشنل پارٹی کے صوبائی ڈپٹی جنرل سیکرٹری رہے اور پارٹی کے ضلعی جنرل سیکرٹری کے عہدے پر بھی فائز رہے۔ انہوں نے گزشتہ عام انتخابات میں اے این پی کے ٹکٹ پر صوبائی اسمبلی کا الیکشن بھی لڑا تھا۔