وزیراعظم کی وزراءکو ازبکستان کے ساتھ کئے گئے فیصلوں پر فوری عملدرآمد یقینی بنانے کی ہدایت

اسلام آباد:وزیراعظم محمد شہباز شریف نے وزراء کو ازبکستان کے ساتھ کئے گئے فیصلوں پر فوری عملدرآمد یقینی بنانے کی ہدایت کر دی۔
اسلام آباد میں وزیراعظم شہباز شریف سے ازبکستان کے سفیر جناب علیشیر تختائیف نے وزیر اعظم ہاؤس میں ملاقات کی۔ 
دوران ملاقات وزیر اعظم نے سفیرسے دورہ تاشقند کے دوران مہمان نوازی پر اظہار تشکر کیا۔ وزیر اعظم نے ازبک سفیر کے ذریعے ازبکستان کے صدرکیلئے نیک خواہشات کا اظہار کیا۔
وزیر اعظم نے اپنے دورے کے دوران دونوں ممالک کے مابین دوطرفہ تعلقات پر ہونے والی شاندار پیش رفت پر اطمینان کا اظہار کیا،شعبہ کان کنی،معدنیات، ریلوے اور قابل تجدید توانائی میں تعاون پرگفتگو ہوئی۔
وزیر اعظم نے دوطرفہ تعلقات پر ہونے والی پیشرفت پر اطمینان کا اظہار کیا، وزیراعظم نے کہا کہ تاشقند سے واپسی پر متعلقہ وزرا کو ذمہ داری سونپی ہے اور انہیں ہدایت کی کہ فیصلوں پر فوری عملدرآمد کو یقینی بنائیں۔
ازبکستان کے سفیر نے وزیر اعظم کی نیک خواہشات پر شکریہ ادا کیا ا ور کہا کہ ازبکستان کے صدر پاکستان کے ساتھ تعلقات مضبوط بنانے کے لئے پر عزم ہیں۔