ہرقسم کی دہشت گردی اور سیاسی تشدد کے مخالف ہیں، بلاول بھٹو

اسلام آباد: چئیرمین پاکستان پیپلزپارٹی بلاول بھٹو کا کہنا ہے کہ ہر قسم کی دہشت گردی اور سیاسی تشدد کے مخالف ہیں۔
قومی اسمبلی سے خطاب کرتے ہوئے چئیرمین پاکستان پیپلز پارٹی بلاول بھٹو زرداری کا کہنا تھا کہ ہماری کمزرویوں کا فائدہ دہشت گرد اٹھا رہے ہیں،دہشت گردی کا ہم سب کو ملکر مقابلہ کرنا چاہیے،دہشت گردوں کےخلاف ون پوائنٹ ایجنڈابنانے کی ضرورت ہے،جعفر ایکسپریس میں ہونے والی دہشت گردی میں ملوث لوگ ہمارے دشمن ہیں، جعفر ایکسپریس میں بے گناہ لوگوں کو شہید کیا گیا۔
اپنے خطاب میں چئیرمین پی پی کا کہنا تھا کہ درندرے ہماری عوام کے ساتھ خون کی ہولی کھیل رہے ہیں، شہباز شریف سے درخواست ہے کہ دہشتگردوں کے خلاف نیشنل ایکشن پلان بنائے۔نواز شریف جب وزیر اعظم تھے تب ہم سب نے مل کر نیشنل ایکشن پلان بنایا اس وقت ملک کو ایک اور نیشنل ایکشن پلان کی ضرورت ہے۔ایوان میں ،موجود تمام جماعتیں مان لیںکہ دہشتگرد سب کے دشمن ہیں۔سانحہ اے پی ایس کے بعد تما اختلافات کو ایک طرف رکھ کر پاکستان کو فوقیت دی گئی۔
انہوں نے مزید کہا کہ دہشت گرد پاکستان کی ترقی کا راستہ روکنا چاہتے ہیں، جب میں بچہ تھا تب سے دہشتگردی کو دیکھ رہا ہوں،ایک سال کا تھا جب مجھے وزیر اعظم کے گھر سے اغوا کرنے کی کوشش کی گئی۔ سب سے پہلے بلوچستان کے عوام کو دہشتگردی سے تحفظ دلایا جائے۔ان کا کہنا تھا کہدہشتگردی کے باعث بلوچستان سمیت ملک کا بہت نقصان ہواہے۔
بلاول بھٹو زرادی نے خطاب کرتے ہوئے کہا کہ پیپلز پارٹی ہر طرح کی دہشت گردی اور سیاسی تشدد کی مخالف کرتی ہے کسی اور اگر ہماری سپورٹ چاہیے تو ہم کرنےکے لیے تیار ہیں۔
صدر زرداری کی تقریر نفرت اور تقسیم کی تقریر نہیں تھی،جبکہ پی ٹی آئی کا ایک ہی مطالبہ ہے کہ بانی کو رہا کرو،پی ٹی آئی کو ماننا پڑے گا کہ پی پی کارکنوں کو بانی سے دلچسپی نہیں۔انہوں نے کہا کہ پاکستان ناممکن کو ممکن بنا سکتا ہے ،پوری دنیا کا اتحاد جو افغانستان میں دہشت گردی کا مقابلہ نہیں کر سکا وہ ہم نے کر کے دکھایا۔