وزیر اعظم کی ہدیت پر سٹہ مافیا اور ذخیرہ اندوزوں کیخلاف کارروائیاں جاری، چینی کی قیمتوں میں کمی آنا شروع

اسلام آباد:وزیر اعظم شہباز شریف کی ہدایت پر چینی سٹہ مافیا اور ذخیرہ اندوزوں کے خلاف اقدامات کا آغاز کر تے ہوئےکارروائیوں کا آغاز کر دیا گیا ہے جس کے بعد ملک میں چینی کی قیمتوں میں کمی آنا شروع ہو گئی ہے۔
ذرائع کے مطابق ایف آئی اے، آئی بی اورایف بی آر نے چینی سٹہ مافیا اور ذخیرہ اندوزوں کے خلاف کارروائیاں کیں جس کے بعد ملک بھر میں کارروائیوں کے باعث چینی کی قیمتوں میں کمی آنا شروع ہوگئی۔
مارکیٹ ذرائع کا کہنا ہے کہ چینی کی قیمت کم ہوکر 165 سے 170 روپے کلو کےدرمیان آگئی، گزشتہ ہفتے چینی 180 روپے فی کلو فروخت ہوئی تھی۔
 ذرائع نےمزید بتایاکہ کارروائیاں چینی کے جعلی خریداروں، بینک اکاؤنٹس، فروخت ریکارڈ حاصل کرکے کی گئیں جبکہ پنجاب شوگرملزایسوسی ایشن کی طرف سے قیمتیں کم کرنے کی تحریری یقین دہانی بھی کرائی گئی۔
ذرائع کے مطابق وزیراعظم چینی سٹہ مافیا اورذخیرہ اندوزوں کےخلاف کارروائیوں کی نگرانی خود کرتے رہے اور وزیراعظم شہباز شریف نے چینی کے معاملے پر متعدد اجلاسوں کی صدارت کی۔