ملکی سلامتی سے بڑا کوئی ایجنڈا ،کوئی تحریک ، کوئی شخصیت نہیں، سید عاصم منیر

راولپنڈی :آرمی چیف جنرل سید عاصم منیرکا کہنا ہے کہ ملکی سلامتی سے بڑا کوئی ایجنڈا نہیں،کوئی تحریک نہیں،کوئی شخصیت نہیں۔
قومی سلامتی کی پارلیمانی کمیٹی سے خطاب کرتے ہوئے انہوں نے کہا کہ پائیداراستحکام کیلئے تمام اسٹیک ہولڈرز کو ہم آہنگی کیساتھ کام کرنا ہو گا،یہ ہماری اور ہماری آنے والی نسلوں کی بقا کی جنگ ہے۔
ہمیں بہتر گورننس اور مملکت پاکستان کوہارڈ اسٹیٹ بنانے کی ضرورت ہے،ہم کب تک ایک سافٹ اسٹیٹ کےطور پر بے پناہ جانوں کی قربانی دیتے رہیں گے؟
آرمی چیف نےمزید کہا کہ ہم گورننس کے گیپس کو کب تک افواج اور شہدا کے خون سے بھرتے رہیں گے، علما خوارج کی طرف سے اسلام کی مسخ شدہ تشریح کا پردہ چاک کریں۔
علماکرام خوارج کی طرف سے اسلام کی مسخ شدہ تشریح کا پردہ چاک کریں،یہ ملک ہے تو ہم ہیں،ملک کی سلامتی سے بڑھ کر ہمارے لئے کوئی چیز نہیں،پاکستان کے تحفظ کیلئے سیاسی اور ذاتی مفادات سے بالاتر ہو کر ایک بیانیہ اپنانا ہو گا۔
انہوں نے اپنے خطاب میں مزید کہا کہ ہم متحد ہو کر نہ صرف دہشتگردوں بلکہ انکے سہولت کاروں کو بھی ناکام کریں گے،ہمیں اللہ تعالیٰ پر پورا بھروسہ ہے جو کچھ بھی ہو جائے ہم کامیاب ہونگے۔