تہران میں یوم پاکستان منایا جائے گا،سفیر مدثرٹیپو

 تہران:ایران میں پاکستان کےسفیر مدثر ٹیپو نے کہا کہ ہے اس دفعہ دارالحکومت تہران میںبھی یوم پاکستا ن منایا جائےگا۔
 اس حوالے سے سفیر مدثر ٹیپو نے پاکستان کے قومی دن کی مناسبت سے برج آزادی (آزادی ٹاور) تہران میں ویڈیو میپنگ کا مشاہدہ کیا،
 تقریب کا اہتمام 23 مارچ 2025 کی مناسبت سے کیا گیا۔
اس موقع پر پاکستان اور ایران کے جھنڈے آویزاں کیے گئے اور دونوں ممالک کے قومی ترانے بجائے گئے جس کے بعد پاکستان کی وفاقی اکائیوں کی نمائندگی کرنے والی روایتی موسیقی اور پاکستان کے مناظر کی نمائش کی گئی۔
رنگا رنگ تقریب میں پاکستانی کمیونٹی کی بڑی تعداد، طلباء اور میڈیا کے نمائندوں نے شرکت کی ۔
پاکستانی سفیر  مدثر ٹیپو نے مہمانوں کو خوش آمدید کہا اور پاکستان کے قومی دن کی تاریخی اہمیت پر روشنی ڈالی،انہوں نے اس دن کو منانے کی سہولت فراہم کرنے پر حکومت ایران اور تقریب میں شامل ہونے پر شرکاء کا شکریہ ادا کیا۔