امریکا کا بانی پی ٹی آئی سے متعلق سوال پرکسی قسم کا ردعمل دینے سے انکار

امریکا نے بانی پی ٹی آئی سے متعلق سوال پرکسی قسم کا ردعمل دینے سے انکار کر دیا۔

ترجمان امریکی محکمہ خارجہ  سے میڈیا بریفنگ کے دوران سابق وزیر اعظم پاکستان اور تحریک انصاف کے بانی سے متعلق سوال کیا گیا تاہم ٹیمی بروس نے بانی تحریک انصاف سے متعلق سوال پر ردعمل دینے سے انکار کر دیا۔

امریکی محکمہ خارجہ کا کہنا تھا کہ کسی دوسرے ملک کے اندرونی معاملات پربات نہیں کی جائے گی، چاہیں تو وائٹ ہاؤس سے بھی پوچھ لیں۔

ٹیمی بروس نے مزید کہا کہ ٹرمپ اور وزیرخارجہ نے واضح کیا ہے کہ ہمیں کرہ ارض کی پرواہ ہے،امریکا کو اپنے پڑوسیوں کی پرواہ ہے، ہمیں اس بات کی فکر ہے کہ دنیا میں کیا ہو رہا ہے۔