چین کا زلزلے سے متاثرہ میانمار کیلئے 14 ملین ڈالر کی امداد کا اعلان

بیجنگ: عوامی جمہوریہ چین کی جانب سے زلزلے سے متاثرہ میانمار (برما) کے لیے 14 ملین ڈالر کی امدا د کا اعلان کیا گیا ہے۔
غیر ملکی میڈیا کے مطابق چین کی جانب سے دیے جانے والے امدادی سامان میں خیمے، کمبل، ہنگامی طبی کٹس، خوراک و دیگر اشیا شامل ہوں گی۔
چینی امداد کی پہلی کھیپ 31 مارچ کو میانمار پہنچے گی۔
خیال رہے کہ غیر ملکی میڈیا کے مطابق میانمار میںزلزلے سے ایک ہزار 7 افراد ہلاک اور 2 ہزار 389 افراد زخمی ہوئے ہیں، شہر ماندالے میں ایک ہزار 591 سے زائد مکانات کو نقصان پہنچا ہے۔
اس موقع پر چینی صدر شی جن پنگ نے میانمار میں آنے والے زلزلے پرمیانمار کے رہنما مین آنگ ہلینگ کے نام تعزیتی پیغام میں کہا کہ میانمار میں شدید زلزلے پر گہرا دکھ ہے جس سے بڑی تعداد میں جانی و مالی نقصان ہوا ہے۔
چینی صدر شی جنگ پنگ نے چینی حکومت اور عوام کی طرف سے جاں بحق افراد کے لیے گہرے دکھ اور ہلاک ہونے والوں کے اہل خانہ، زخمیوں اور متاثرین کے لیے پر خلوص ہمدردی کا اظہار کیا۔