پنجاب میں اقلیتوں کے حقوق و تحفظ کیلئے مینارٹی ایڈوائزری کونسل قائم

لاہور:پنجاب میں اقلیتی برادریوں کے مسائل حل کرنے اور بین المذاہب ہم آہنگی کو فروغ دینے کے لیےصوبائی حکومت نے مینارٹی ایڈوائزری کونسل کے قیام کا اعلان کر دیا۔
صوبائی وزیراقلیتی امورسرداررمیش سنگھ اروڑہ چیئرمین مقرر، سینئرلیگی رہنماکامران بھٹی مینارٹی ایڈوائزری کونسل کاوائس چیئرمین مقرر، عاقب عالم کومینارٹی ایڈوائزری کونسل پنجاب کاکنوینئرمقررکردیاگیا۔
مینارٹی ایڈوائزری کونسل38ارکان پرمشتمل ہوگی جس میں سکھ، مسلم، ہندو اور خواتین ممبران کی نمائندگی موجود ہوگی۔
 مینارٹی ایڈوائزری کونسل پنجاب کی مدت تین سال ہوگی، حکومت قبل از وقت مینارٹی ایڈوائزری کونسل کوتحلیل کر سکتی ہے۔
کونسل کے تمام ارکان بشمول چیئرمین، نائب چیئرمین اور کنوینر بلا معاوضہ کام کریں گے۔ وزیر اعلیٰ پنجاب کسی بھی رکن، بشمول چیئرمین، نائب چیئرمین یا کنوینر کو معطل یا برطرف کرنے کا اختیار رکھیں گے۔  
کونسل حکومت کو اقلیتی برادریوں کے مسائل حل کرنے اور ان کے حقوق کے تحفظ کے حوالے سے مشورے دے گی اور ترقیاتی منصوبوں کی تجاویز بھی پیش کرے گی۔  
ایم اےسی پی حکومت کواقلیتوں کےمسائل حل کرنےمیں مشاورت فراہم کریگا، ایم اے سی پی بین المذاہب بھائی چارے کے فروغ کیلئےتجاویز دے گا۔
اقلیتی برادریوں کے بنیادی حقوق اور آزادی کو قانونی تحفظ دیا جائے گا، اقلیتوں کی تعلیمی، سماجی، اقتصادی اور سیاسی ترقی پر کام کیا جائے گا، اقلیتوں کےمعیارزندگی کوبہتر بنانے کیلئےترقیاتی منصوبےتجویزکیےجائیں گے۔
رمیش سنگھ اروڑہ نے کہا کہ حکومت کی خواہش ہے کہ اقلیتی برادریوں کے معیار زندگی کو بہتر بنایا جائے