بانی پی ٹی آئی کی بہنیں اورپارٹی رہنما اڈیالہ جیل کے باہر سے گرفتار

راولپنڈی: پولیس نے اڈیالہ جیل کے باہر سے بانی پی ٹی آئی کی بہنوں،پارٹی رہنما اور کارکنوں کو گرفتار کر لیا۔
تفصیلات کےمطابق  پی ٹی آئی رہنما عالیہ حمزہ ، شفقت اعوان سمیت کئی پی ٹی آئی رہنماوں کو  پولیس نے کو اڈیالہ جیل کے باہر سے حراست میں لے لیا گیا ۔
ذرائع کے مطابق اڈیالہ جیل میں بانی اور بشریٰ بی بی سے ملاقات کے دن بانی پی ٹی آئی کی بہنیں، بشریٰ بی بی کے فیملی ممبران مہرالنسا، مبشرہ شیخ، پی ٹی آئی رہنما عالیہ حمزہ، ظہیر عباس اڈیالہ پہنچے تھے۔
 دوسری جانب گھورکپور ناکہ پر موجود بانی پی ٹی آئی کی بہنوں (علیمہ خان ، عظمیٰ خان  اور نورین خان )سمیت متعدد خواتین کارکنوں کو بھی  تحویل میں لے لیا گیا،پولیس کا کہنا تھا کہ علیمہ خان کو ملاقات کی اجازت نہیں، باقی تینوں فیملی ممبران کی ملاقات کروا دیتے ہیں۔
گورکھپور ناکے پر بانی پی ٹی آئی کی بہنوں کا ملاقات نہ کروانے پر احتجاج کیا، پولیس کی جانب سے دو بہنوں اور کزن قاسم نیازی کی بانی سے ملاقات کرانے کی آفر کی گئی۔
تحویل میں لئے گئے پی ٹی آئی رہنماؤں میں صاحبزادہ حامد رضا ،اور شفقت اعوان بھی شامل ہے،نادیہ خان اور بانی پی ٹی آئی کے کزن قاسم خان کو بھی حراست میں لے لیا گیا۔