سنی دیول نے شاہ رخ خان کے ساتھ کام کرنے کی خواہش کااظہار کردیا

بالی وڈ اداکار سنی دیول نے 32 برس بعد شاہ رخ خان کے ساتھ کام کرنے کی خواہش کا اظہار کردیا۔

بھارتی میڈیا کے مطابق سال 1993 میں سنی دیول اور شاہ رخ خان نے فلم 'ڈر' میں ایک ساتھ کام کیا تھا جس میں سنی دیول نے مرکزی ہیرو  اور شاہ رخ خان نے ولن کا کردار ادا کیا تھا جس پر کنگ خان کو خوب سراہا گیا۔

سنی دیول سے سوال پوچھا گیا کہ آپ کس اداکار کے ساتھ دوبارہ کام کرنا چاہیں گے؟ اس کے جواب میں اداکار نے کہا کہ میں کسی کے ساتھ بھی کام کر لوں گا، شاہ رخ خان کے ساتھ ایک فلم کی تھی تو ایک اور کر سکتے ہیں۔

بھارتی اداکار نےمزید کہا کہ یہ اچھا ہوگا کیونکہ وہ ایک مختلف دور تھا اور اب ایک مختلف دور ہے، پہلے ہمارے ڈائریکٹرز کا ہر چیز پر کنٹرول تھا لیکن  آج کل ہمارے ہدایت کاروں کے پاس اتنا کنٹرول نہیں ہے اور کہانیاں ویسی بن بھی نہیں رہی ہیں، جو اداکاروں کی تصاویر کو درست ثابت کرے گی جب کہ وہ بہت ضروری ہے۔