جہلم :ڈی پی اوطارق عزیر کی کھلی کچہری،شہریوں کے مسائل پر فوری کارروائی کا حکم

جہلم: ڈسٹرکٹ پولیس آفیسر(ڈی پی او) جہلم طارق عزیز سندھو نے نمازِ جمعہ کے بعد جامع مسجد توحید علاقہ تھانہ سٹی اور پی ایس صدر میں کھلی کچہریوں کا انعقاد کیا۔
ترجمان جہلم پولیس کے مطابق کھلی کچہری میں لوگوں نے اپنے مسائل بتائے جن پرڈپی او نے فوری کاروائی کے احکامات صادر کرتے ہوئے موقع پر ہی انکے حل کے احکامات جاری کیےپبلک سروس ڈلیوری کے معیار کو بہترین بنانا جہلم پولیس کی اولین ترجیحات میں شامل ہیں۔
 اس موقع پر جہلم پولیس کی طرف سے ضلع جہلم کی عوام کو کسی بھی غیر قانونی سرگرمی سے دور رہنے اور سماج دشمن عناصر کی بیج کنی کے لیے ایسے افراد منشیات فروشوںقحبہ خانوں اور کسی بھی غیر قانونی سرگرمی میں ملوث افراد کی نشاندہی کریں اور جہلم پولیس کا ساتھ دیں۔

ترجمان جہلم پولیس کا کہنا ہے کہ آئی جی پنجاب کے احکامات پر فوری انصاف عوام کی دہلیز پر فراہم کیا جارہا ہے، اس سلسلہ پولیس میں خدمت مراکز کا قیام، پولیس تحفظ مراکز کا قیام، میثاق مراکز، مصالحتی کونسلز کا قیام اور تھانہ جات کی بطور سپیشل انیشیٹیو پولیس اسٹیشن اپ گریڈیشن شامل ہے جہاں پر 24/7 سہولیات بہم پہنچائی جارہی ہیں۔

ترجمان پولیس کی جانب سے مزید بتایا گیا کیا کہ ڈی پی او جہلم کھلی کچہریوں کا مقصد شہریوںکو فوری انصاف فراہم کرنا ہے ۔
انہوں نےعوام الناس سے اپیل کرتے ہوئے کہا کہ شہری اپنے مسائل لیکر بلا جھجک کھلی کچہریوں میں پہنچیں جہاں انکے مسائل موقع پر حل کیے جائیں گے۔