جماعت اسلامی کے سابق نائب امیر سینیٹر پروفیسر خورشید احمد93 برس کی عمر میں انتقال کر گئے

اسلام آباد: جماعت اسلامی (جےآئی)پاکستان کے سابق نائب امیر سینیٹر پروفیسر خورشید احمد93 برس کی عمر میں انتقال کر گئے۔
ان کا انتقال برطانیہ کے شہر لیسٹر میں ہوا، سینیٹر پروفیسر خورشید احمد کا شمار بانی جماعت اسلامی مولانا سید ابو الاعلیٰ مودودی کے قریبی ساتھیوں میں سے تھا۔
ان کے انتقال پر امیر جماعت اسلامی پاکستان حافظ نعیم الرحمان و دیگر نے پروفیسر خورشید احمد کے انتقال پر افسوس کا اظہار کیا،جبکہ ترجمان جماعت اسلامی نے کہا کہ پروفیسر خورشید احمد کی خدمات کو ہمیشہ یاد رکھا جائے گا۔
خیال رہے پروفیسر خورشید احمد کو اقتصادیات اسلام میں گراں قدر خدمات انجام دینے پر اسلامی بینک نے 1990 میں اعلیٰ ترین ایوارڈ دیا تھا۔
ان کو بین الاقوامی اسلامی خدمات انجام دینے پر سعودی حکومت نے 1990 میں انہیں شاہ فیصل ایوارڈ سے نوازا،امریکن فنانس ہاؤس نے 1998 میں اسلامک فنانس اعزاز عطا کیا۔
 اس کے علاوہ حکومت پاکستان نے ان کی خدمات کے اعتراف میں انہیں 2010 میں اعلیٰ سول ایوارڈ نشان امتیاز سے عطا کیا تھا۔