سپریم کورٹ : عمر چیمہ کا کیس بانی پی ٹی آئی کے کیس کے ساتھ کلب

سپریم کورٹ نے عمر سرفراز چیمہ کا 9 مئی کا کیس بانی پی ٹی آئی کے کیس کے ساتھ کلب کر دیا۔
سپریم کورٹ میں چیف جسٹس یحییٰ آفریدی کی سربراہی میں عمر سرفراز چیمہ کےخلاف 9 مئی کا کیس کی سماعت ہوئی جس دوران چیف جسٹس نےکہا کہ اس کیس کو بانی پی ٹی آئی کےکیس کے ساتھ آئندہ ہفتے سنا جائے گا۔

اس دوران عمر سرفراز کے وکیل نے کہاکہ میرے مؤکل کو گرفتار کرنے کےبعد ایف آئی آر درج کی گئی، اس پر پنجاب حکومت کے وکیل نے کہاکہ عدالت نے عمر سرفراز چیمہ کا ایک دن بھی جسمانی ریمانڈ نہیں دیا، عمر سرفراز سےپستول برآمد کرنی ہے۔

جسٹس یحییٰ آفریدی نے کہاکہ چاہتے ہیں جسمانی ریمانڈ کے کیسز کے فیصلوں میں یکسانیت ہو، بانی پی ٹی آئی  کا کیس بھی جسمانی ریمانڈ کا ہےاور عمر سرفراز چیمہ کا کیس بھی اسی نوعیت کا ہے۔