آرمی چیف کا قطر کا دو روزہ سرکاری دورہ،ملاقاتوں میں دفاع اور سیکیورٹی تعاون پر تبادلہ خیال

پاکستانی فوج کے شعبہ تعلقات عامہ (آئی ایس پی آر) کے مطابق  آرمی چیف جنرل قمر جاوید  قطرکے دو روزہ سرکاری دورہ  پر ہیں ،آرمی چیف  کی قطر کے ڈپٹی وزیراعظم  ، وزیر دفاع اور چیف آف اسٹاف قطر فورسز سے ملاقات  ہوئی ہے، ان  ملاقاتوں میں باہمی امور ،دفاع اور سیکیورٹی تعاون پر تبادلہ خیال کیا گیا ہے۔

آرمی چیف جنرل قمر جاوید باجوہ کا کہنا ہے کہ  قطری باہمی تعلقات وقت کے ساتھ ساتھ دیر پا شراکت داری میں تبدیل ہوچکے ہیں ۔

آئی ایس پی آر کے مطابق  قطری سیاسی و عسکری قیادت نے خطے میں امن واستحکام کے لیے پاکستان کے کردار کی تعریف کی ہے ، دونوں جانب سے باہمی تعلقات کو مزید وسعت دینے کے لیے کوششیں جاری رکھنے کے عزم کا اظہار  کیا گیا ہے۔