پہلگام واقعے نے بھارتی سکیورٹی نظام کی ساکھ پر بھی کئی سوالات اٹھا دیئے

مقبوضہ کشمیر میں حالیہ دہشتگردی کے واقعے نے بھارتی سکیورٹی نظام کی ساکھ پر بھی کئی سوالات اٹھا دیئے ہیں۔ 

جہاں 7 سے 12 لاکھ بھارتی فوجی تعینات ہیں، وہاں حملہ آور کیسے اتنی آسانی سے کارروائی کرنے میں کامیاب ہو گئے؟“۔جہاں ایک عام کشمیری شہری کو بھی روزمرہ زندگی میں بارہا تلاشی کے مراحل سے گزرنا پڑتا ہے، پھر حملہ آور بغیر کسی رکاوٹ کے پہلگام جیسے حساس علاقے تک کیسے پہنچ گئے؟

”کیا بھارتی فوج صرف عام کشمیریوں کی تلاشی کے لیے ہے،حملہ آور کہاں سے آئے، درجنوں چیک پوسٹس عبور کیسے کیں،کیا یہ حملہ اندرونی سہولت کاری کے بغیر ممکن تھا۔

پہلگام حملے نے بھارتی سکیورٹی فورسز کی کارکردگی اور نیت، دونوں پر سوالیہ نشان لگا دیا ہے۔ سکیورٹی کی اتنی سختی اور بھاری نفری کے باوجود ایسی بڑی کارروائی کا ہونا فالس فلیگ آپریشن کی طرف بھی اشارہ کر رہا ہے۔

ان بیانات سے کشمیر میں موجودہ صورتحال کی سنگینی اور کشمیری عوام کی بے چینی مزید نمایاں ہو گئی ہے، جبکہ بھارت کی جانب سے اس حوالے سے تاحال کوئی شفاف وضاحت سامنے نہیں آئی۔