وفاقی حکومت نے عام تعطیل کا اعلان کر دیا

اسلام آباد:وفاقی حکومت نے یکم مئی 2025 کو یوم مزدور کی مناسب سے عام تعطیل کا اعلان کردیا۔ 
اس حوالے سے وفاقی حکومت کی جانب سے نوٹیفکیشن جاری کر دیا گیا ہے۔
جاری کردہ نوٹیفکیشن کے مطابق یکم مئ بروز جمعرات کو یوم مزدور کی مناسبت سے تمام ادارے، ہسپتال، دفاتر، سیکرٹریٹ، ضلعی دفاتر اور سرکاری و پرائیویٹ تعلیمی ادارے بند رہیں گے۔
اسٹیٹ بینک کے مطابق تمام بینکس اور مالیاتی ادارے یکم مئی 2025 کو بند رہیں گے۔
خیال رہے کہ یکم مئی عالمی یوم مزدور کے موقع پر محنت کشوں کیساتھ اظہار یکجہتی کیلئے دنیا بھر میں خصوصی دن منایا جاتا ہے،جس کاآغاز امریکی شہر شکاگوسے مزدورںکے احتجاج کے دوران ہوا تھا۔
یکم مئی اٹھارہ سو چھیاسی میں چند مزدور رہنماؤں کی اپیل پر شکاگو کی فیکٹریوں میں کام کرنے والے چار لاکھ مزدوروں کی جانب سے ہڑتال کی گئی، ہڑتال اس قدر کامیاب تھی کہ ایک امریکی اخبار نے لکھا کہ’’ کسی ایک بھی فیکٹری کی چمنی سے دھواں اٹھتا دکھائی نہیں دیا‘‘۔