ایک دن کی کمی کے بعد سونے کی قیمت میں آج پھر اضافہ،فی تولہ کتنے کا ہو گیا؟

کراچی: ایک روز کی کمی کے بعد عالمی اور مقامی مارکیٹوں میں سونے کی قیمت میں آج پھر بڑا اضافہ ریکارڈ کیا گیا۔ 
آل پاکستان جیمز اینڈجیولرز ایسوسی ایشن کےمطابق کاروباری ہفتے کے دوسرے روز مقامی مارکیٹوں میں 24 گرام سونے کی فی تولہ قیمت میں2ہزار100وپے کا اضافہ ریکارڈ کیا گیا جس کے ملک میں 24 گرام سونے کی نئی قیمت 3لاکھ 49ہزار 200روپے کی سطح پر آگئی۔
اسی طرح دس گرام سونے کی قیمت ایک ہزار 800روپے کا اضافہ ریکارڈ کیا گیا جس کے بعد 10 گرام سونے کی نئی قیمت 2 لاکھ 99ہزار روپے 382روپے کی سطح پر پہنچ گئی۔
دوسری جانب عالمی بلین مارکیٹ میں سونے کی فی اونس قیمت میں مزید 21ڈالر کا اضافہ ہواہے جس کے بعد عالمی مارکیٹ میں سونے کی نئی قیمت 3ہزار 210ڈالر کی سطح پر آگئی۔
خیال رہے کہ گزشتہ روز سونے کی قیمت میں1600 روپے کی کمی ریکارڈ کی گئی تھی۔
صرافہ ماہرین کے مطابق عالمی مالیاتی غیر یقینی صورتحال کے باعث سونے کی قیمتوں میں تیزی کا رجحان جاری ہے۔
مارکیٹ ذرائع کا کہنا ہے کہ اگر یہی صورتحال برقرار رہی تو آئندہ دنوں میں سونے کی قیمتیں مزید اوپر جا سکتی ہیں، جو عام صارفین کے لیے مزید مشکلات کا سبب بن سکتی ہیں۔