پہلگام واقعہ :واہگہ بارڈر کے راستے  315 مسافربھارت روانہ، 201 پاکستانی بھی وطن لوٹ آئے

لاہور: پہلگام فالیس فلیگ حملے کے بعد دونوں ممالک کے درمیان کشیدگی بدستور قائم ہے اور دنوں ممالک سے شہریوں کی بے دخلی کا سلسلہ جاری ہے۔
 اسی سلسلے میں مزید 315 بھارتی شہری آج واہگہ کے راستے بھارت چلے گئے جب کہ 201 پاکستانی شہری واپس لاہور آئے، جن میں شادی کے بعد بھارت جانے والی 2 پاکستانی خواتین بھی شامل ہیں۔
ایک خاتون نے بتایا کہ وہ شادی کےبعد بھارت گئی تھی جہاں بیٹا پیدا ہوا تاہم پاکستانی شہریت ہونے کے باعث اسے زبردستی واپس بھیج دیا گیا اور اب ان کا4 ماہ کا بیٹا شوہر کے پاس ہے۔
دوسری خاتون نے بھی بتایا کہ وہ شادی کےبعد بھارت گئی تھیں جہاں ان کے 4 بچے پیدا ہوئے مگر پاکستانی شہریت ہونےکےباعث اسے بھی زبردستی بے دخل کردیا گیا۔