ڈاکٹر لبنیٰ ظہیر کی زیر صدارت پنجاب پیمرا کونسل آف کمپلینٹس کا اجلاس

لاہور:پنجاب پیمرا کونسل آف کمپلینٹس کا اجلاس ڈاکٹر لبنیٰ ظہیر کی زیر صدارت منعقد ہوا۔
 اجلاس کے ایجنڈے میں مختلف ٹیلی وژن چینلز کے خلاف پیمرا کے ضابطہ اخلاق کی خلاف ورزی، ہدایات پر عمل نہ کرنے اور واجبات کی عدم ادائیگی سے متعلق کیسز شامل تھے۔

دوران اجلاس کونسل نے فریقین کے مؤقف سنے اور متعدد کیسز کے فیصلے کیے،چند کیسز متعلقہ فریقین کی درخواست پر ملتوی کر دیے گئے، جو آئندہ اجلاس میں سنے جائیں گے۔

کونسل کے اراکین جناب زاہد مسعود اور محترمہ راشدہ سہیل نے بھی اجلاس میں شرکت کی، جبکہ جناب قاسم احمد نے بطور سیکرٹری کونسل فرائض انجام دیے۔
اس موقع پر پیمرا کے دیگر افسران بھی اجلاس میں موجود تھے۔