ہالی ووڈ فلم "مشن ایمپاسیبل دی فائنل ریکنگ" میں ویژول ایفیکٹ آرٹسٹ لاریب عطا کی خدمات پیش

پاکستان کی عالمی شہرت یافتہ ویژول ایفیکٹ آرٹسٹ لاریب عطا کی ایک اور بڑی کامیابی، ہالی ووڈ فلم "مشن ایمپاسیبل دی فائنل ریکنگ" میں لاریب عطا کی بطور ویژول ایفیکٹ آرٹسٹ خدمات پیش کی گئیں ہیں۔

تفصِلات کے مطابق پاکستان کے معروف گلوکار عطا اللہ خان عیسی خیلوی کی صاحبزادی لاریب عطا نے اپنی ٹیم کے ہمراہ ہالی ووڈ فلم  "مشن ایمپاسیبل دی فائنل ریکنگ" پر کام مکمل کرلیا۔۔
فلم 23 مئی کو دنیا بھر میں ریلیز کی جائے گی جس کا ٹریلز بھی جاری کیا جاچکا ہے، ایکشن اور تھرل سے بھرپور فلم " مشن ایمپاسیبل دی فائنل ریکنگ" کے تمام ویژول ایفیکٹ لاریب عطا نے اپنی ٹیم کے ہمراہ مکمل کئے۔

لاریب عطا کا کہا ہے کہ ہر گزرتے دن کیساتھ محنت اور لگن کی بدولت کامیابیاں نصیب ہورہی ہے،انہوں نے مزید کہا کہ ماضی میں کئے گئے کاموں کو دنیا بھر میں بے حد پزیرائی ملی۔۔

ان کا کہنا تھا کہ امید ہے 23 مئی کو انے والی فلم مشن ایمپاسیبل دی فائنل ریکنگ میں ان کے کام کو پسند کیا جائے گا۔
 لاریب عطا نے بحثیت ویژول افیکٹ آرٹسٹ کی حثیت سے مختلف بین الاقوامی شہرت یافتہ فلموں، اشتہاروں اور ڈاکو مینٹریز پر کام کیا ہے۔
نو ٹائم ٹو ڈائی، فاسٹ اینڈ فیوریس نائن، ٹینٹ، چرنوبل، مارول، ڈاکٹر سٹینج جیسی عالمی شہرت یافتا اور آسکر، بافتہ سمیت کئی عالمی ایوارڈز  کے لیے نامزد فلمیں ان کے کریئر کا حصہ ہیں۔