ہیٹ ویو الرٹ جاری، درجہ حرارت میں مزید اضافہ کا امکان،پی ڈی ایم اے

لاہور: پروونشیل ڈیزاسٹر مینجمینٹ اتھارٹی(پی ڈی ایم اے) پنجاب نےدرجہ حرارت میں اضافےاور ہیٹ ویو الرٹ جاری کردیا۔
اس حوالے سےریلیف کمشنر پنجاب نبیل جاوید کی کمشنرزاور ڈپٹی کمشنرز کو الرٹ رہنے کی ہدایات کی ہے۔
دوسری جانب محکمہ اسکول ایجوکیشن،ہیلتھ،ٹرانسپورٹ،لوکل گورنمنٹ،ریسکیو الرٹ جاری کیاگیا،20مئی سے 24 مئی تک پنجاب کے میدانی علاقوں میں ہیٹ ویوکےخدشات ہیں،آئندہ چند روز میں درجہ حرارت میں غیر معمولی اضافے کا خدشہ ہے۔
اس کے علاوہ محکمہ موسمیات کے مطابق آج سے 24مئی کے دوران ملک کے جنوبی علاقوں ( سندھ ، جنوبی پنجاب اور بلوچستان ) میں دن کا درجہ حرارت معمول سے 4سے 6ڈگری سینٹی گریڈ زیادہ رہنے کا امکان ہے جبکہ اس دوران ملک کے بالائی علاقوں (وسطی / بالائی پنجاب، اسلام آباد، خیبر پختو نخوا، کشمیر، گلگت بلتستان) میں دن کا درجہ حرارت معمول سے 5 سے 7 ڈگری سینٹی گریڈ زیادہ رہنے کی توقع ہے۔ 
پی ڈی ایم اے نے گرمی کی لہر کی وجہ سے بالخصوص بچوں، خواتین اور بزرگ شہریوں کو احتیاطی تدابیر اختیار کرنے کا مشورہ دیا گیا ہے ، دن کے دوران دھوپ میں کم سے کم نکلا جائے اور پانی کا زیادہ استعمال کیا جائے ۔