ماہرہ خان اور ہمایوں سعید کی ’لو گُرو‘ کی پروموشن کی ویڈیوز وائرل

اداکارہ ماہرہ خان اور ہمایوں سعید عیدالاضحیٰ پر ریلیز کے لیے تیار اپنی مزاحیہ فلم لو گُرو کی بین الاقوامی پروموشن میں امریکا میں مصروف ہیں، اور اُن کی ویڈیوز سوشل میڈیا پر وائرل ہوگئیں۔

ہمایوں سعید اور ماہرہ خان کو فلم کی تشہیر کے سلسلے میں امریکا کے مختلف شہروں میں دیکھا گیا، وہ فلم کی عالمی پروموشن کے دوران ہیوسٹن، ڈیلاس، نیویارک کے علاوہ لندن میں بھی پروموشن کرتے نظر آئیں گے۔

ان لمحات کی خوبصورت ویڈیوز سوشل میڈیا پر تیزی سے وائرل ہو رہی ہیں ، فلم دونوں اداکاروں کی تقریباً تین سال بعد بڑے پردے پر واپسی کا ذریعہ بھی بنے گی۔

گزشتہ دنوں دونوں فنکاروں کو ٹیکساس میں فلم کی پروموشن کے دوران دیکھا گیا، جہاں انہوں نے نہ صرف فلم کا تعارف کروایا بلکہ اس کے گانوں پر رقص بھی کیا۔

فلم لو گُرو کا ٹریلر اگرچہ کہانی کو مکمل طور پر واضح نہیں کرتا، تاہم عندیہ ملتا ہے کہ ہمایوں سعید فلم میں ایک دل پھینک عاشق کے کردار میں نظر آئیں گے جو بعد میں ماہرہ خان کے والد (جاوید شیخ) کی طرف سے ایک ذمہ داری ملنے کے بعد سچی محبت میں گرفتار ہو جاتے ہیں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Bakhtawar Khowaja Ajani 🧿 (@bakhtawarkhowaja)

واضح رہے کہ لو گُرو کو اے آر وائے فلمز کے بینر تلے ریلیز کیا جائے گا۔ فلم میں رومانس کے ساتھ ساتھ پشتون اور پنجابی تڑکے والی مزاح بھی دیکھنے اور سننے کو ملے گی۔

فلم کی شوٹنگ لندن میں کی گئی ہے، جہاں ماہرہ خان کو ایک خوبصورت، بولڈ اور فنونِ لطیفہ سے دلچسپی رکھنے والی لڑکی کے طور پر پیش کیا گیا ہے، جبکہ ہمایوں سعید کو لندن میں مختلف لڑکیوں کو محبت کے جال میں پھنسانے والے کردار میں دکھایا گیا ہے۔

فلم کی کہانی واسع چوہدری نے لکھی ہے، ہدایات ندیم بیگ نے دی ہیں، اور اسے ہمایوں سعید سمیت دیگر پروڈیوسرز نے پروڈیوس کیا ہے۔