امریکا میں مقیم پاکستانی کوہ پیما ڈاکٹر شہلا شیخ نے اتوار کو کنچن جنگا کو کامیابی سے سر کرلیا


پاکستان کے 2 کوہ پیماؤں نے دنیا کی بلند ترین چوٹی ماؤنٹ ایورسٹ اور نیپال میں واقع 8 ہزار 586 میٹر بلند دنیا کی تیسری بلند ترین چوٹی کنچن جنگا کو کامیابی سے سر کرلیا۔
الپائن کلب آف پاکستان کے سیکریٹری قرار حیدری کے مطابق گلگت بلتستان سے تعلق رکھنے والے واجد اللہ نگری پیر کو ماؤنٹ ایورسٹ کی چوٹی پر پہنچے، وہ معروف کوہ پیما انگ تاشی شیرپا کے ساتھ زمین کے بلند ترین مقام پر پہنچے۔
انہوں نے مزید کہا کہ یہ لمحہ پاکستان کے لیے باعثِ فخر ہے اور دنیا بھر کے کوہ پیماؤں کے لیے ایک تحریک کا درجہ رکھتا ہے۔
واجد اللہ نگری کا تعلق ضلع نگر سے ہے اور وہ پائنیر ایڈونچر مہم کا حصہ تھے۔ اس سے قبل وہ کے ٹو، براڈ پیٹ، نانگا پربت، گاشر برم-I اور گاشر برم-II کو بھی کامیابی سے سر کر چکے ہیں۔
دوسری جانب امریکا میں مقیم پاکستانی کوہ پیما ڈاکٹر شہلا شیخ نے اتوار کو کنچن جنگا کو کامیابی سے سر کرلیا۔ یہ چوٹی اپنی تکنیکی پیچیدگی اور انتہائی خراب موسم کی وجہ سے دنیا کی 8 ہزار میٹر بلند چوٹیوں میں سب سے زیادہ خطرناک سمجھی جاتی ہے۔
ڈاکٹر شہلا شیخ نے تصدیق کی کہ وہ بحفاظت نیچے اتر آئی ہیں، ساتھ ہی دعویٰ کیا کہ وہ کنچن جنگا پر چڑھنے والی پہلی پاکستانی خاتون ہیں۔ انہوں نے کہا کہ وہ ایڈونچر ٹورزم کے لیے باقاعدگی سے پاکستان آتی رہتی ہیں۔

ذوالفقار علی بھٹو جونیئر کا نئی سیاسی جماعت بنانے کا اعلان، نعرہ ہوگا ’جئے عوام‘
- 13 گھنٹے قبل

اداکارہ حمیرا اصغر کی موت: پولیس نے موبائل فونز اور لیپ ٹاپ کا ڈیٹا حاصل کرلیا
- 13 گھنٹے قبل

بلوچستان میں دہشت گردی میں 45 فیصد اضافہ، چھ ماہ میں 257 افراد جاں بحق: محکمہ داخلہ
- 10 گھنٹے قبل

پی ٹی آئی قافلہ لاہور پہنچ گیا، 4 کارکن گرفتار
- 9 گھنٹے قبل

امریکی اڈے دوبارہ نشانے پر آ سکتے ہیں، ایران کی امریکا کو دو ٹوک تنبیہ
- 12 گھنٹے قبل

یوٹیوب چینلز کی بندش: عدالت نے مزید 5 صحافیوں کے چینلز کھولنے کا حکم دے دیا
- 9 گھنٹے قبل

عمر سرفراز چیمہ کی ضمانت کی درخواستوں پر فیصلہ محفوظ، 9 مئی کیسز میں مقدمات زیر غور
- 10 گھنٹے قبل

ٹرمپ کا بڑا اقتصادی فیصلہ: یورپی یونین اور میکسیکو پر 30 فیصد تجارتی ٹیکس کا اعلان
- 10 گھنٹے قبل

پی ٹی آئی قیادت کا قافلہ لاہور پہنچ گیا
- 10 گھنٹے قبل
اداکارہ حمیرا علی کے چچا محمد علی نے اہم انکشافات کر دئیے
- 12 گھنٹے قبل

فرانس: شوہر اپنی بیوی کو ہائی وے پر چھوڑ کر 300 کلومیٹر آگے نکل گیا
- 9 گھنٹے قبل

تبدیلی آنی چاہیے، مگر پی ٹی آئی کے اندر سے: مولانا فضل الرحمان
- 13 گھنٹے قبل