اسلام آباد: الیکٹرک  اور میٹرو بسوں کے کرایہ میں100 فیصد اضافہ،شہری پریشان

اسلام آباد: وفاقی دارالحکومت اسلام آباد کے شہریوں کے لیے میٹرو بس کا سفر مہنگا ہو گیا،انتظامیہ نے الیکٹرک اور میٹرو بسوں کے کرایہ میں 100 فیصد تک اضافہ کر دیا۔
تفصیلات کےمطابق اسلام آباد میں میٹرو اور الیکڑک کی تمام بسوں کے یکطرفہ کرائے 50 روپے سے بڑھا کر 100 روپے کردیئے گئے ہیں,سی ڈی اے کےتحت چلنے والی بسوں کا اسٹاپ ٹو اسٹاپ کرایہ بھی 100 روپے کردیا گیا۔
انتظامیہ کی جانب سے یہ نئی پالیسی 26مئی 2025 سے نافذ کی جا رہی ہے جس کے تحت اورنج لائن، گرین لائن، بلیو لائن اور الیکٹرک فیڈر روٹس پر یکساں طور پر فی سفر کرایہ 100 روپے مقررکر دیا گیا ہے،جو کہ اس سے پہلے مختلف روٹس پر کرایہ 50 سے 90 روپے کے درمیان تھا۔
 تاہم دوسری جانب حکام کا کہنا ہے کہ بڑھتی ہوئی آپریشنل لاگت، ایندھن کی قیمتوں میں اضافے اور سروس کے معیار کو برقرار رکھنے کے لیے کرایوں میں نظرثانی ناگزیر تھی۔
شہریوں نے اس فیصلے پر مختلف آراء کا اظہار کیا ہے، کچھ نے اضافے کو معاشی بوجھ قرار دیا جبکہ دیگر نے بہتر سہولیات کی فراہمی کے لیے ضروری اقدام قرار دیا، حکام نے عوام سے تعاون کی اپیل کی ہے۔