رواں سال کی تیسری قومی انسداد پولیو مہم کل سے باقاعدہ شروع ہو گی

رواں سال کی تیسری قومی انسداد پولیو مہم کل سے باقاعدہ شروع ہو گی۔ وزیراعظم کی فوکل پرسن انسدادِ پولیو عائشہ رضا فاروق نے بچوں کو قطرے پلا کرمہم کا افتتاح کر دیا۔

نیشنل ای او سی کے مطابق 26 مئی سے یکم جون تک قومی انسداد پولیو مہم کے دوران ساڑھے 4 کروڑ  سے زائد بچوں کو قطرے پلانے کا ہدف مقرر ہے ۔ مہم کا مقصد پاکستان سے پولیو وائرس کا مکمل خاتمہ کرنا ہے۔

پولیو مہم پاکستان اور افغانستان میں بیک وقت منعقد کی جا رہی ہے۔ سرحدی علاقوں اورخانہ بدوش آبادیوں پر خصوصی توجہ مرکوز کی جائے رہی ہے۔

عائشہ رضا فاروق نے کہا پولیو کا خاتمہ قومی ترجیح اور اجتماعی ذمہ داری ہے ۔ انسداد پولیو مہم کا تسلسل قوتِ مدافعت بڑھانے اور وائرس کی روک تھام کیلئے ضروری ہے ۔ والدین اپنے بچوں کو پولیو ویکسین کے ساتھ وٹامن اے کی اضافی خوراک بھی لازمی دیں۔