ارجنٹائن نے برازیل کو شکست دیکر کوپا امریکہ ٹائٹل اپنے نام کرلیا

غیر ملکی خبر رساں ادارے کے مطابق  کوپا امریکا کے فائنل میں ارجنٹائن نے میزبان، دفاعی چیمپئن برازیل کو ایک صفر سے ہرادیا ہے، لیونل میسی نے آخر کار کوپا امریکا کی ٹرافی جیت لی۔ فائنل میں ارجنٹائن نے دفاعی چیمپئن برازیل کو ایک صفر سے ہرادیا۔ میچ کا واحد گول اینجل ڈی ماریا نے سکور کیا۔

برازیلین سپر سٹار نیمار نے بھرپور کوشش کی، لیکن کوئی گول نہ کرسکے۔میچ جیت کر لیونل میسی نے ساتھی کھلاڑیوں کے ساتھ ٹرافی اٹھائی اور جشن منایا۔

28 سال بعد کوپا امریکا چیمپئن بننے پر ارجنٹینا کےمداح خوشی سےنہال ہوگئے، لیونل میسی نےبھی کیریئر میں بطور کپتان پہلی بڑی فتح حاصل کرکے تاریخ رقم کر دی ۔