این سی او سی نے سیاحوں کی ہوٹل بکنگ کیلئے ویکسینیشن لازمی قرار دیدی

تفصیلات کے مطابق  نیشنل کمانڈ اینڈ آپریشن سینٹر (این سی او سی ) کا کہنا ہے کہ  ایک بار پھر کورونا کے پھیلاؤ کے خطرات سے نمٹنے کیلئے تمام ہائی رسک سیکٹرز میں ایس او پیز پر عمل درآمد کرانے کیلئے خصو صی اقدامات کا آغاز کر دیا گیا ہے۔تمام صوبوں کو ایس او پیز پر سختی سےعمل درآمد کیلئے تفصیلی ہدایات جاری کردی ہیں ، ماسک کا استعمال ، سماجی فاصلے اور حفاظتی اقدامات پر عمل درآمد کیے لیے ٹیمیں تشکیل دیدی گئی ہیں  اور مویشی منڈیوں اور عید سے متعلقہ ایس او پیز کے نفاذ کیلئے بھی احکامات جاری کردیے گئے ہیں ۔

مزید پڑھیں : خوفناک حادثے کے بعد مشہور اداکار زندگی کی بازی ہار گئے

این سی او سی کے مطابق  گلگت بلتستان،آزاد کشمیر اور خیبر پختونخواہ میں جانے والے سیاحوں کی ہوٹل بکنگ کیلئے ویکسینیشن لازمی قرار دیدی گئی ہے،سیاحتی مقامات کے داخلی راستوں اور ہوٹلوں میں داخلے پر ویکسین سرٹیفیکیٹ کی تصدیق کیلئے طریقہ کار کا اجراء کر دیا گیا،  ریسٹورنٹس، جمنازیم، سینما گھروں ، شادی ہالز کی انتظامیہ اور آنے والے افراد کیلئے بھی ویکسینیشن لازمی قرار دے دی گئی۔ویکسینیشن کی تصدیق کیلئے بھی خصوصی احکامات جاری کر دیے گئے، ہیں ۔

این سی او سی نے بس اڈوں ، ریلوے اسٹیشن ، ٹرانسپورٹ ،مساجد اور بازاروں کیلئے پہلے سے جاری ایس او پیز پر عمل درآمد کو یقینی بنانے کی ہدایت کی ہے،  ضلعی اتظامیہ کیلئے تفصیلی چیک لسٹس جاری کر دی گئیں۔خلاف ورزی کرنے والے افراد اور ادارے کے خلاف سخت تادیبی کاروائی عمل میں لائی جائے گی۔