وزیر اعظم سعودی عرب کے دو روزہ سرکاری دورے پر جدہ روانہ

وزیراعظم شہباز شریف، ولی عہد شہزادہ محمد بن سلمان کی دعوت پر سعودی عرب کے دو روزہ سرکاری دورے پر جدہ روانہ ہو گئے۔

وہ عیدالاضحی سعودی عرب میں گزاریں گے۔

عیدالاضحیٰ کے روز وزیراعظم شہباز شریف سعودی ولی عہد شہزادہ محمد بن سلمان  سے خصوصی ملاقات کریں گے۔

وزیراعظم پاکستان، بھارت حالیہ کشیدگی کو کم کرنے میں تعمیری کردار پر سعودی قیادت کا شکریہ بھی ادا کریں گے۔

ملاقات کے دوران دونوں رہنما پاکستان اور سعودی عرب کے درمیان تجارت اور سرمایہ کاری، امت مسلمہ کی فلاح و بہبود اور علاقائی امن و سلامتی جیسے اہم شعبوں میں دوطرفہ تعاون کو مضبوط بنانے پر تبادلہ خیال کریں گے۔

 اعلی سطح وفد بھی وزیراعظم  کے ہمراہ ہے۔