کاروباری ہفتے کے چوتھے روز سونا فی تولہ کتنا مہنگا ہوا؟

کراچی:عالمی اور مقامی مارکیٹوں میں سونے کی قیمت میں آج بھی ہزاروں روپے کا اضافہ ہوگیا۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے چوتھے روز عالمی مارکیٹ میں قیمت بڑھنے کے باعث مقامی مارکیٹوں میں فی تولہ سونے کی قیمت میں 4ہزار 300روپے کااضافہ ہوا جس کے بعد ملک میں سونے کی نئی قیمت  3لاکھ 58ہزار 400روپے ہو گئی۔

اسی طرح دس گرام سونے کی قیمت میں 3ہزار 687روپےکا اضافہ ریکارڈ کیا گیا جس کے بعد ملک میں 10 گرام سونے کی قیمت  بڑھ کر 3لاکھ 07ہزار 270روپے کی سطح پر پہنچ گئی۔

دوسری جانب عالمی بلین مارکیٹ میں سونے کی فی اونس قیمت میں 43ڈالر کا اضافہ ہوا جس کے بعد عالمی مارکیٹ میں سونے کی نئی قیمت  3ہزار 400ڈالر کی سطح پر آگئی۔