بالاکوٹ: معمولی گھریلو تنازع پر فائرنگ سے بھائی بہن قتل

بالاکوٹ: ضلع مانسہرہ کی تحصیل بالاکوٹ میں معمولی گھریلو تنازع پر فائرنگ کرکے بہن بھائی کو قتل کردیا گیا۔
تفصیلات کے مطابق یہ افسوسناک واقعہ بالاکوٹ کے نواحی گاؤں سنگڑ میں پیش آیا جہاں معمولی تنازع پر عتیق نامی شخص نے فائرنگ کرکے محمد سعید اور اس کی بہن حاکم پروین کو قتل کردیا ۔
پولیس کے مطابق فائرنگ کے نتیجے میں 2 افراد تاج محمد اور محمد خالد فاروقی زخمی بھی ہوئے۔
پولیس کے مطابق قتل کی وجہ گھریلو تنازع بتایا جارہا ہے جب کہ ملزم موقع سے فرار ہے جس کی گرفتاری کیلئے چھاپے مارے جارہے ہیں۔