بھارت میں ایک اورہیلی کاپٹر گر کر تباہ ، 7 افراد ہلاک

کیدرناتھ : بھارتی شہر کیدرناتھ میں ہیلی کاپٹر گر کر تباہ ہونے کے نتیجے میں 7 افراد ہلاک ہو گئے۔

بھارتی میڈیا کے مطابق ہیلی کاپٹر نے دہرادون سے اڑان بھری تھی اور اس سے کچھ دیر قبل ہی ائیر ٹریفک کنٹرول سے رابطہ منقطع ہو گیا تھا، گوری کنڈ کے قریب لاپتہ ہو گیا، جو ہمالیائی مندر کے قریب اونچائی پر واقع ہے۔

 ہیلی کاپٹر میں سوار تمام 7 افراد ہلاک ہو گئے،حکام نے ٹریجوگینرائن اور گوری کنڈ کے درمیان ملبے کو تلاش کیا۔

میڈیا رپورٹس کے مطابق اب تک کی ابتدائی اطلاعات کے مطابق ہیلی کاپٹر کو حادثہ خراب موسم کے باعث پیش آیا۔

خیال رہےکہ کچھ روز قبل بھارتی ریاست گجرات کے شہر احمد آباد میں ابھی ائیر انڈیا کا مسافر طیارہ میڈیکل کالج کی ہوسٹل کی چھت پر گر کرتباہ ہو گیا تھا جس کے نتیجے میں طیارے میں سوار 241 افراد سمیت 315 کے قریب جاں بحق ہوئے تھے۔