برطانوی خفیہ ایجنسی ایم آئی 6کی تاریخ میں پہلی مرتبہ خاتون سربراہ مقرر

لندن: برطانوی انٹیلی جنس ایجنسی ایم آئی 6 میں پہلی بار ایک خاتون کو سربراہ مقرر کر دیا گیا ہے۔

خبرایجنسی کے مطابق بلیز میٹرویلی ایم آئی 6 کی 116 سالہ تاریخ میں پہلی خاتون سربراہ ہونگی ، وہ ایم آئی 6 کی 18 ویں سربراہ کی حیثیت سے ذمہ داریاں سنبھالیں گی۔

برطانوی نشریاتی ادارے(بی بی سی) کی رپورٹ کے مطابق 47 سالہ بلیز میٹرویلی 1999 سے خفیہ انٹیلی جنس سروس کا حصہ ہیں اور وہ اس سال کے آخر میں عہدہ سنبھالیں گی۔

بلیز میٹرویلی اس وقت ایجنسی میں ٹیکنالوجی اور جدت کے شعبے کی سربراہ یعنی ڈائریکٹر جنرل کیو (Q) کے طور پر خدمات سرانجام دے رہی ہیں۔

 برطانوی وزیر اعظم سر کیئر اسٹارمر نے پہلی خاتون چیف کی تقرری کو تاریخی قرار دیا ہے۔