مسلم لیگ ن کے رہنما چودھری تنویر ضمانت خارج ہو نے پر گرفتار 

راولپنڈی: مسلم لیگ (ن) کے رہنما چودھری تنویر کو گرفتار کر لیا گیا۔

لاہور ہائی کورٹ راولپنڈی بنچ نے چودھری تنویر کی ضمانت قبل از گرفتاری کی درخواست خارج کر دی،جسٹس صداقت علی خان نے ان کی ضمانت قبل از گرفتاری کی درخواست خارج کی۔

راولپنڈی پولیس نے سابق ایم پی اے چودھری عدنان قتل کیس میں انہیں گرفتار کر لیا ہے۔

گرفتاری کے بعد لیگی رہنما کو طبی معائنے کے لیے راولپنڈی انسٹیٹیوٹ آف کارڈیالوجی منتقل کر دیا گیا۔

یاد رہے کہ چوہدری عدنان کو 12 فروری کی شام پولیس لائنز گیٹ کے قریب فائرنگ کر کے قتل کیا گیا تھا، قتل کیس میں چوہدری تنویر کو نامزد ملزم قرار دیا گیا تھا۔