ایران صہیونیوں پر کوئی رحم نہیں کرے گا، ایرانی سپریم لیڈر کا واضح پیغام

ایرانی سپریم لیڈر آیت اللہ خامنہ ای نے اسرائیلی جارحیت کے خلاف سخت جوابی کارروائی کے عزم کو دہراتے ہوئے کہا ہے کہ ایران صیہونی حکومت کو سخت جواب دے گا اور ان پر کوئی رحم نہیں کیا جائے گا۔

سماجی رابطے کی ویب سائٹ ایکس (سابقہ ٹوئٹر) پر انگریزی زبان میں کیے گئے اپنے پیغام میں آیت اللہ خامنہ ای نے کہا کہ ہمیں دہشت گرد صیہونی حکومت کو ایک طاقتور جواب دینا ہوگا۔انہوں نے مزید لکھا کہ ہم صیہونیوں پر کوئی رحم نہیں کریں گے۔

We must give a strong response to the terrorist Zionist regime.
We will show the Zionists no mercy.

— Khamenei.ir (@khamenei_ir) June 17, 2025

ایران کے سپریم لیڈر آیت اللہ خامنہ ای نے کہا ہے کہ جنگ کا آغاز ہوچکا ہے اور دہشت گرد صہیونی ریاست کو سخت جواب دینا ضروری ہے۔

ایک اور ٹوئٹ میں آیت اللہ خامنہ ای نے لکھا ’جنگ کا آغاز ہوچکا ہے‘ ۔

به نام نامی #حیدر، نبرد آغاز می‌گردد
علی با ذوالفقار خود، به #خیبر باز می‌گردد#الله_اکبر pic.twitter.com/yGYrXUDGoK

— KHAMENEI.IR | فارسی 🇮🇷 (@Khamenei_fa) June 17, 2025

رپورٹ میں کہا گیا ’خامنہ ای کی ٹوئٹ میں لکھا گیا جملہ حضرت علی رضی اللہ عنہ کی 7ویں صدی میں یہودی قلعہ خیبر کی فتح کی طرف اشارہ ہے‘۔

پوسٹ کے ساتھ ایک تصویر بھی شامل ہے جس میں ایک شخص تلوار تھامے ایک قلعہ نما دروازے میں داخل ہو رہا ہے، جب کہ آسمان پر آگ کے شعلے ہیں۔

یہ بیان امریکی صدر ڈونلڈ ٹرمپ کے اُس سوشل میڈیا پیغام کے بعد سامنے آیا ہے جس میں انہوں نے ایران غیر مشروط طور پر سرنڈر کرنے کا مطالبہ کیا۔

واضح رہے کہ حالیہ تنازع میں یہ آیت اللہ خامنہ ای کی جانب سے جاری کیا گیا پہلا عوامی پیغام ہے جس میں جنگ کے آغاز کی علامتی اور مذہبی زبان استعمال کی گئی ہے، جس سے ممکنہ طور پر اسرائیل کے خلاف بڑے پیمانے پر کارروائی کی طرف اشارہ دیا جا رہا ہے۔