مذاکرات کی پیش کش ابھی بھی موجود ہے،ایران امریکی صدر کے ساتھ چالاکی نہیں کر سکتا،مارکو روبیو

واشنگٹن:امریکی وزیر خارجہ مارکوروبیو کا کہنا ہے کہ امریکا ایران سے بات چیت کے لیے تیار ہے،بات چیت کی پیش کش ابھی بھی موجود ہے،ایران امریکی صدر کے ساتھ چالاکی نہیں کر سکتا۔

غیر ملکی میڈیا کو دئیے گئے ایک انٹرویو میں امریکی وزیر خارجہ مارکو روبیونے کہا کہ یہ ایران کے خلاف کوئی جنگ نہیں ہے،آج دنیا گزشتہ 24 گھنٹوں کے مقابلے میں زیادہ محفوظ اور مستحکم ہے۔

انہوںنے دھمکی دیتے ہوئے کہا کہ اگرایران نے جوابی کارروائی کی تو یہ اس کی سب سے بڑی غلطی ہوگی،ہم ایران میں جنگ نہیں چاہتے۔

ان کا مزید کہنا تھا کہ ایران کے پاس جوہری ہتھیار بنانے کے لیے تمام ضروری چیزیں موجود تھیں،ایران کے پاس اتنی مقدار میں انتہائی افزودہ یورینیم موجود تھا کہ وہ کم از کم نو یا دس ایٹم بم بنا سکتا تھا۔

مارکوروبیو نے مزید کہا کہ ایران کے پاس سب کچھ تیار تھا، لیکن اب ایسا نہیں رہا،چین کو چاہیے کہ وہ ایران سے آبنائے ہرمز کے معاملے پر بات کرے،ہمارے پاس اس بات کا کوئی ثبوت نہیں کہ چین کسی معاملے میں ملوث تھا۔