پاک نیول اکیڈمی میں پروقار پاسنگ آؤٹ پریڈ، فیلڈ مارشل عاصم منیر کی خصوصی شرکت

کراچی: پاکستان نیول اکیڈمی میں کورس کی تکمیل پر پروقار پاسنگ آؤٹ پریڈ ہوئی جس میں فیلڈ مارشل سید عاصم منیر نے خصوصی شرکت کی اور پریڈ کا معائنہ کیا۔
پی این ایس رہبر کراچی میں 123 ویں مڈ شپ مین اور 31ویں شارٹ سروس کمیشن کورس کی تکمیل پر پریڈ کے دوران پاک بحریہ کے چاق و چوبند دستے نے فیلڈ مارشل کو سلامی دی۔
 فیلڈ مارشل نے پریڈ کا معائنہ بھی کیا اور حاضرین سے خطاب کرتے ہوئے کامیاب کیڈٹس کو سراہا۔

اس موقع پر فیلڈ مارشل عاصم منیر نے نمایاں کارکردگی دکھانے والے کیڈٹس میں انعامات تقسیم کیے،کیڈٹ عبدالرحمان نے بہترین کارکردگی پر ”سورڈ آف آنر“ کا اعلیٰ اعزاز حاصل کیا۔

تقریب میں اعلیٰ عسکری و سول حکام، کیڈٹس کے والدین اور دیگر معزز مہمانوں نے شرکت کی۔ پریڈ کے دوران کیڈٹس کی پیشہ ورانہ مہارت، نظم و ضبط اور جذبۂ حب الوطنی کا مظاہرہ قابل دید تھا۔