نامور بالی وڈ ادکارہ ’شیفالی‘ اچانک دل کا دور ہ پڑنے سے انتقال کر گئیں

ممبئی: گانے 'کانٹا لگا' میں اپنی ڈانس پرفارمنس سے شہرت حاصل کرنے والی نامور بھارتی اداکارہ، رئیلٹی ٹی وی اسٹار اور ڈانس سنسنیشن  شیفالی جریوالہ 42 سال کی عمر میں انتقال کر گئیں۔

بھارتی میڈیا رپورٹس کے مطابق شیفالی کو جمعرات کی شب اچانک دل کا دورہ پڑا۔ انہیں فوری طور پر اپنے شوہر اداکار پراگ تیاگی اور دیگر 3 افراد کے ساتھ ممبئی کے اسپتال لے جایا گیا لیکن بدقسمتی سے وہ جانبر نہ ہوسکیں۔

اسپتال کے عملے نے تصدیق کی کہ شیفالی اسپتال لانے سے پہلے ہی دم توڑ چکی تھیں۔

بھارتی میڈیا کے مطابق اگرچہ ابھی تک اداکارہ کی موت کی حتمی وجہ کا باضابطہ اعلان نہیں کیا گیا تاہم ابتدائی طور پر دل کا دورہ اس کی بڑی وجہ قرار دیا جا رہا ہے۔

شیفالی کی اچانک موت کی خبر سے شوبز انڈسٹری اور ان کے مداح گہرے صدمے میں ہیں۔

واضح رہے کہ شیفالی جری والا نے 2002 میں گانے 'کانٹا لگا' کی ویڈیو میں اپنی اداکاری سے راتوں رات شہرت حاصل کی تھی، اس کے بعد انہوں نے نچ بلیے اور بگ باس 13 جیسے شوز میں بھی شرکت کی۔