پنجاب اسمبلی میں توڑ پھوڑ: 10 ارکان پر 20 لاکھ سے زائد جرمانہ عائد

پنجاب اسمبلی کے اجلاس کے دوران توڑ پھوڑ میں ملوث 10 ارکانِ اسمبلی پر مجموعی طور پر 20 لاکھ روپے سے زائد کا جرمانہ عائد کر دیا گیا ہے۔

جاری کردہ نوٹیفکیشن کے مطابق، مذکورہ ارکان نے اجلاس کے دوران مائیک اور دیگر سرکاری املاک کو نقصان پہنچایا، جس پر ہر ایک کو 2 لاکھ 3550 روپے کا جرمانہ کیا گیا ہے۔

توڑ پھوڑ میں ملوث ارکان میں جاوید کوثر، اسد عباس، محمد تنویر اسلم، سید رفعت محمود، محمد اسماعیل، شہباز احمد، امتیاز محمود، خالد زبیر، رانا اورنگزیب اور محمد احسن شامل ہیں۔

نوٹیفکیشن میں مزید کہا گیا ہے کہ یہ فیصلہ 16 جون کو ہونے والے اجلاس کی ویڈیو شواہد کی بنیاد پر کیا گیا، اور اگر متاثرہ ارکان نے 7 روز کے اندر جرمانہ ادا نہ کیا تو ان کے خلاف مزید کارروائی عمل میں لائی جائے گی۔

یاد رہے کہ اس واقعے کے بعد اسپیکر پنجاب اسمبلی نے پاکستان تحریکِ انصاف (پی ٹی آئی) کے 26 ارکان کو معطل کرتے ہوئے ان کے خلاف ریفرنس بھی بھیجنے کا اعلان بھی کیا تھا۔