امریکی سینیٹ میں ایران پر حملے روکنے کی قرارداد ناکام

واشنگٹن: امریکی سینیٹ نے ایران پر مزید حملے روکنے سے متعلق قرارداد کو مسترد کر دیا، جس سے سابق صدر ڈونلڈ ٹرمپ کو ایران کے خلاف ممکنہ فوجی کارروائی کے لیے تقویت ملی ہے۔

ڈیموکریٹس کی جانب سے پیش کی گئی اس قرارداد میں مطالبہ کیا گیا تھا کہ ایران پر کسی بھی آئندہ فوجی کارروائی سے قبل کانگریس کی منظوری لازمی قرار دی جائے۔ تاہم ریپبلکن اکثریت والی سینیٹ نے یہ قرارداد 47 کے مقابلے میں 53 ووٹوں سے مسترد کر دی۔

سابق صدر ٹرمپ پہلے ہی عندیہ دے چکے ہیں کہ اگر امریکا کے مفادات کو خطرہ لاحق ہوا تو وہ ایران کی جوہری تنصیبات کو دوبارہ نشانہ بنانے سے گریز نہیں کریں گے۔

یاد رہے کہ امریکا نے حالیہ ایرانی جوہری تنصیبات پر کیے گئے حملے کو اقوام متحدہ کے چارٹر کے تحت ایک دفاعی اقدام قرار دیا تھا۔ اقوام متحدہ کی سلامتی کونسل کو بھیجے گئے ایک خط میں امریکی حکام نے مؤقف اختیار کیا کہ ایران کی یورینیم افزودگی کی صلاحیت کو محدود کرنا ضروری ہے، اور یہ کارروائیاں اجتماعی دفاع کے تحت کی گئی ہیں۔

امریکی موقف کے مطابق، ایران پر دباؤ بڑھانے کا مقصد جوہری ہتھیاروں کے پھیلاؤ کو روکنا اور ایک ممکنہ معاہدے کی راہ ہموار کرنا ہے۔