برطانیہ میں کنسرٹ کے دوران گلوکاروں کے فلسطین کی حمایت اور اسرائیل مخالف نعرے

برطانیہ کے سالانہ موسیقی کے میلے گلاسٹنبری فیسٹیول میں گلوکاروں نے فلسطین کی حمایت اور اسرائیل مخالف نعرے لگا دیے۔

رپورٹ کے مطابق گلاسٹنبری فیسٹیول میں جاری کنسرٹ کے دوران آئرلینڈ کے ریپ گانے والے گروپ نی کیپ (Kneecap) نے کانسرٹ کے دوران فلسطین کو آزاد کرو کے نعرے لگا دیئے۔

اس موقع پر نی کیپ بینڈ کے رکن مو شارا نے اعلان کرتے ہوئے کہا کہ وہ اپنی آمدنی میں کمی پر تیار ہے، مگر تاریخ کی درُست سمت میں رہنا چاہتا ہے۔

نی کیپ کا مزید کہنا تھا کہ فلسطین کے معاملے پر ہم آواز بلند کریں گے تو دوسرے میوزک گروپ بھی آواز بلند کریں گے۔