کراچی: صوبائی محکمہ صحت میں اربوں روپے کی کرپشن کا انکشاف

کراچی:صوبائی محکمہ صحت سندھ میں 12 ارب روپے سے زائد کی مبینہ کرپشن اور بے ضابطگیوں کا انکشاف ہوا ہے۔

تفصیلات کے مطابق آڈٹ رپورٹ میں انکشاف ہوا ہے کہ ڈاکٹر رتھ سول اسپتال سے 36 کروڑ کی کینسرکی دوائیاں چوری ہوئیں ، یہ ادویات رتھ اسپتال کے کچھ ملازمین نے 2023 میں چوری کیں۔

آڈٹ رپورٹ میں بتایا گیا کہ سپرنٹنڈنٹ اسپتال نے کینسر ادویات کی چوری کی تصدیق کر دی، ایک سٹاف نرس اور ڈسپنسر پر کینسر کی ادویات چوری کرنے کا شبہ تھا، کئی ماہ گزرجانے کے باوجود انتظامیہ نے کیس ایف آئی اے اورنیب کو تحقیقات کیلیے نہیں بھیجا۔
آڈٹ ٹیم نے  معاملے کی تفصیلی انکوائری کرانے کی سفارش کی ہے۔

رپورٹ میں ساڑھے نو ماہ نگران حکومت اوردو ماہ موجودہ سندھ حکومت کھاتوں کا آڈٹ دکھایا گیا ہے۔