نامور فوک گلوکار اور پنجاب دھرتی کی آواز عالم لوہار کی چھیالیسویں برسی آج منائی جا رہی ہے 

ویب ڈیسک : نفوک موسیقی کو نئی جہت دینے والے پنجاب دھرتی کی آواز عالم لوہار کے مداح انکی چھیالیسویں برسی منارہے ہیں۔

عالم لوہار کو فوک موسیقی میں خاص مقام حاصل تھاصوفی کلام ہو یا گائیکی عالم لوہار کا کوئی ثانی نہیں تھا۔

 انہوں نے فوک موسیقی میں نئی جہت روشناس کروائی ،عالم لوہار کو ہیر وارث شاہ گانے پر شہرت حاصل ہوئی۔

عالم لوہارکو یہ اعزاز حاصل ہے کہ انہوں نے ہیر وارث شاہ کو 36مختلف انداز میں گایا، انہیں گانے کی صنف ’’ جگنی ‘‘ کا موجد بھی سمجھا جاتا ہے۔

عالم لوہار کے صاحبزادے گلوکار عارف لوہار کا کہنا ہے کہ وہ اپنے والد عالم لوہار کے ورثے اور مشن کو آگے بڑھا رہے ہیں،عالم لوہار کو صوفیانہ کلام گانے میں ملکہ حاصل تھا۔

عالم لوہار 3جولائی 1979ء کو شامکے بھٹیاں کے قریب ایک حادثے میںاس دنیافانی سے کوچ کر گئے۔