خیبر پختونخوا کی11سینیٹ نشستوں پر انتخابات کب ہونگے؟  شیڈول جاری

اسلام آباد: مخصوص نشستوں کے فیصلے کے بعد الیکشن کمیشن نے خیبرپختونخوا میں سینیٹ الیکشن کا شیڈول جاری کردیا۔

ترجمان الیکشن کمیشن کا کہنا ہے کہ خیبرپختونخوا میں سینیٹ الیکشن 21 جولائی کو ہوں گے،  جس میں کے پی کی 7 جنرل، 2 خواتین، 2 ٹیکنوکریٹ کی سینیٹ نشستوں پر الیکشن ہوں گے۔

سینیٹ الیکشن کے لیے پولنگ 21 جولائی کو کے پی اسمبلی میں ہوگی۔

سینیٹ میں ثانیہ نشتر کی خالی نشست پر انتخابات کیلئے بھی الیکشن کا شیڈول جاری کردیا گیا جس کے مطابق 10 جولائی کو کاغذات نامزدگی جمع ہوں گے،11جولائی کوجانچ پڑتال ہوگی،31 جولائی کو پولنگ ہو گی۔

اسی طرح پنجاب میں مرحوم ساجد میر کی خالی نشست پر پولنگ 21 جولائی کو پنجاب اسمبلی میں ہوں گی۔

واضح رہے اسپیکر قومی اسمبلی سے حلف نہ لینے کی وجہ نشستیں خالی تھیں جب کہ رواں سال 2 اپریل کو سینیٹ الیکشن ملتوی کیے گئے تھے۔