عمر ایوب کی ممکنہ نااہلی، الیکشن کمیشن نے 15 جولائی کو سماعت مقرر کر دی

الیکشن کمیشن آف پاکستان نے اپوزیشن لیڈر عمر ایوب کی ممکنہ نااہلی سے متعلق دائر درخواستوں کو سماعت کے لیے مقرر کر دیا ہے۔

کمیشن 15 جولائی کو عمر ایوب کے خلاف دائر دو مقدمات کی سماعت کرے گا، جن میں سے ایک مقدمہ ان کے اثاثہ جات میں مبینہ غلط بیانی سے متعلق ہے۔

یہ درخواست مسلم لیگ (ن) کے رہنما بابر نواز کی جانب سے دائر کی گئی ہے، جس میں الزام لگایا گیا ہے کہ عمر ایوب نے اپنے اثاثوں کے گوشواروں میں حقائق چھپائے اور تضاد پایا جاتا ہے۔

اس کے علاوہ ایک شہری کی درخواست پر اسپیکر قومی اسمبلی کی جانب سے بھی ایک ریفرنس الیکشن کمیشن کو بھجوایا گیا ہے، جو عمر ایوب کی ممکنہ نااہلی سے متعلق ہے۔