جنوبی وزیرستان : دہشت گردانہ حملے میں زخمی ہونے والے ڈی ایس پی جانبر نا ہو سکے

پشاور: جنوبی وزیرستان میں دہشت گردوں کے حملوں میں زخمی ہونے والے ڈی ایس پی دم توڑ گئے۔

پولیس رپورٹ کے مطابق  3  جولائی کے دہشت گردانہ حملے میں زخمی ہونے والوں میں ڈی ایس پی زخمین خان بھی شامل تھے جو کہ ایک نجی ہسپتال میں زیر علاج تھے۔

پولیس نے بتایا کہ زخمین خان زخموں کی تاب نا لاتے ہوئےاسپتال میں دم توڑ گئے ، جن کی نماز جنازہ پولیس لائنز میں ادا کی گئی نمازہ جنازہ میں آئی جی خیبر پختون خواہ  ذوالفقار حمید اور سی سی پی اوپشاور قاسم خان نے بھی شرکت کی۔

اس موقع پر آئی جی کے پی کے ذوالفقارحمید نے کہا کہ دہشتگردوں کی بزدلانہ کاروائیاں پولیس کے حوصلے پست نہیں کر سکتیں،ہمیں اپنے افسران اور اہلکاروں پر فخر ہے ، ہمارے جوانوں کی قربانیاں رائیگاں نہیں جائیں گی۔