وفاقی وزارتِ داخلہ کا ادارہ جاتی ہم آہنگی بہتر بنانے کا فیصلہ

وفاقی وزارتِ داخلہ نے اپنے تمام ذیلی اداروں کے درمیان مؤثر رابطہ کاری اور ہم آہنگی کو بہتر بنانے کا فیصلہ کیا ہے۔

وزیر داخلہ محسن نقوی نے ہدایت دی ہے کہ تمام متعلقہ ادارے سروس ڈیلیوری میں بہتری اور مؤثر نتائج کے حصول کے لیے جامع منصوبہ تیار کریں۔ انہوں نے اداروں کو تین دن کے اندر قواعد و ضوابط میں ممکنہ ترامیم اور دیگر عملی تجاویز پیش کرنے کی ہدایت بھی کی ہے۔

محسن نقوی کا کہنا تھا کہ فی الوقت اداروں کے درمیان تعاون کا فقدان موجود ہے، جسے فوری طور پر دور کرنا ضروری ہے۔ انہوں نے زور دیا کہ ہر ادارہ دوسرے اداروں کے ساتھ مل کر مشترکہ اہداف کے لیے واضح اور قابلِ عمل حکمتِ عملی ترتیب دے۔

وزیر داخلہ نے مزید کہا کہ ادارے اگر ایک دوسرے کی صلاحیتوں سے فائدہ اٹھائیں تو قومی سطح پر ان کی کارکردگی میں نمایاں بہتری ممکن ہے۔