برطانوی گلوکار اوزی اوسبورن 76 برس کی عمر میں انتقال کر گئے

1970ء کی دہائی کے ہیوی میٹل بینڈ بلیک سبتھ کے فرنٹ مین برطانوی گلوکار اوزی اوسبورن 76 برس کی عمر میں انتقال کر گئے۔

اوزی اوسبورن نے اپنے کیریئر کا آغاز بلیک سبتھ کے مشہور گانوں ’پیرانوئیڈ‘ اور ’سبتھ بلڈی سبتھ‘ سے کیا، ان کے کامیاب سولو کیریئر سمیت گانوں کی مجموعی فروخت 10 کروڑ سے تجاوز کر چکی ہے۔

اوسبورن خاندان کی جانب سے جاری کیے گئے بیان میں کہا گیا ہے کہ یہ غم ان الفاظ سے کہیں بڑھ کر ہے جو ہم ادا کر سکتے ہیں، ہمیں افسوس کے ساتھ اطلاع دینی پڑ رہی ہے کہ ہمارے پیارے اوزی اوسبورن آج صبح انتقال کر گئے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Ozzy Osbourne (@ozzyosbourne)

بیان میں درخواست کی گئی ہے کہ اس وقت ہمارے خاندان کی پرائیویسی کا احترام کیا جائے, اوزی اوسبورن کی موت کی کوئی وجہ نہیں بتائی گئی، تاہم حالیہ برسوں میں وہ مختلف قسم کی صحت کی پیچیدگیوں کا سامنا کرتے رہے ہیں۔

عوزی اوزبورن اپنے کیریئر کے دوران کئی انقلابی تبدیلیاں لائے، 1969 میں بلیک سبتھ نے اپنا پہلا خود عنوانی البم ریلیز کیا، جسے اکثر ہیوی میٹل کی پیدائش کا لمحہ قرار دیا جاتا ہے، ان کے اگلے البم پیرانائڈ میں ’آئرن مین‘، ’وار پِگس‘ اور ’پیرانائڈ‘ جیسے لازوال گیت شامل تھے۔

1979 میں انہیں منشیات کے استعمال کی وجہ سے بلیک سبتھ سے نکال دیا گیا، جس کے بعد انہوں نے سولو کیریئر کا آغاز کیا اور 1980 میں بلیزرڈ آف اوز اور 1981 میں ڈائری آف آ میڈ مین جیسے کامیاب البمز ریلیز کیے، جن میں ’کریزی ٹرین‘ جیسا ہٹ گانا شامل تھا۔

انہوں نے دنیا بھر میں 10 کروڑ سے زائد ریکارڈز فروخت کیے اور راک اینڈ رول ہال آف فیم میں دو بار شامل ہونے والے چند فنکاروں میں شامل ہوئے، پہلی بار 2006 میں بلیک سبتھ کے ساتھ اور دوسری بار 2024 میں بحیثیت سولو فنکار۔

عوزی اوزبورن نے 5 جولائی 2025 کو برمنگھم میں اپنی آخری پرفارمنس دی، وہ اپنی بیوی شیرون، بچوں ایمی، کیلی، جیک اور دیگر اہلِ خانہ کے ساتھ محبت بھرے لمحات میں رخصت ہوئے، ان کے مداح ان کی موسیقی اور ان کے منفرد انداز کو ہمیشہ یاد رکھیں گے۔