نامور اداکار عاصم بخاری کی صحت پہلے سے بہتر ،اسپتال سے گھر منتقل 

لاہور: پاکستان شوبز انڈسٹری کے معروف اداکار، ادیب اور شاعر عاصم بخاری حالیہ دنوں دل کے مرض میں مبتلا ہو گئے تھےتاہم اب ان کی صحت میں نمایاں بہتری آ ئی جس کے بعد ان کو اسپتال سے گھر منتقل کردیا گیا ہے۔

تفصیلات کے مطابق چند روز قبل سینئر اداکار کو دل کا دورہ پڑا جس کے بعد فوری طور پر انہیں پنجاب انسٹی ٹیوٹ آف کارڈیالوجی لاہور منتقل کیا گیا۔ 

ابتدائی طبی معائنے کے دوران انکشاف ہوا کہ ہارٹ اٹیک کے باعث ان کے پھیپھڑوں میں پانی بھر گیا تھا، جس کی وجہ سے انہیں چند روز اسپتال میں زیر علاج رہنا پڑا۔ 

ڈاکٹر کی بروقت کوششوں اور مسلسل نگہداشت کے نتیجے مین اب عاصم بخاری مکمل طور پر صحتیاب ہو چکے ہیں اور انہیں اسپتال سے ڈسچارج کر دیا گیا ہے۔

دوسری جانب ان کے اہل خانہ اور مداحوں نے ان کی صحت یابی پر اللہ کا شکر ادا کیا ہے۔ 

خیال رہے کہ معروف اداکارعاصم بخاری نے پاکستان کے کئی مشہور فلموں، ڈراموں اور تھیٹر میں اپنی لازوال اداکاری سے جگہ بنائی، ان کی صحتیابی کی خبر سن کر فنکار برادری اور شائقین نے اطمینان کا اظہار کیاہے۔